NƏFSƏ QULLUQ-MƏRİFƏT VƏ BİLİK TƏHSİLİNDƏ MANEƏ
Nəfsə qulluq mərifət və biliyə yiyələnməyə necə mane olur?
Allah-taala “Casiyə” surəsində nəfsə qulluq və itaət etdiklərinə görə hidayət qabiliyyətini itirən kəslərdən söz açır. “Maidə” surəsində də bir qrup inadkar yəhudilərə işarə edir, hansı ki nəfsə qulluq onları ilahi peyğəmbərləri təkzib etməyə, hətta bəzilərini qətlə yetirməyə sürükləmişdi. Bununla yanaşı işlərinin çirkinliyini dərk etmirdilər. “Məhəmməd” (s) surəsində də, nəfsi istəklərinə uyduqlarına görə Peyğəmbəri (s) məsxərə edən bir qrup münafiqə işarə edilir. Nəfsə qulluq, ona itaət insanı müəyyən etmək (məsələləri ayırd etmək) gücünü itirməyə gətirib çıxarır. İmam Əli (ə) da nəfsə qulluğu ağlın afəti adlandırır.
